AVIA  ISIKA  HIARA-DIA


Avia isika hiara-dia
Hikalo sy hiriaria
Venteso mafy ny hira hifamaly
Tratry ny taona ka miara-paly
Ho lavitra anio ny sentosento
Tarehy sariaka izao no ento
Koa dia arahaba mifankahita
Tratry ny taona samy tafita

Raha misy alahelo mandalo
Reseo fa aza mimalo
Ny zavatra mampitomany
Fampieritreretana ihany
Ny anatra aposaka anio
Tsarovy sy mba tadidio
Ny fo te ho hendry no sokafy
F'ireny no voa izay nafafy


Andrianary RATIANARIVO