AZA DIA MINIANA

Tsy fantatrao mihitsy angamba
Ny fitiavako anao
Isan' andro ny fiainako
Tsaroako misy banga
Raha tsy eo anilanao.

Haveriko eto indray izao
Tsy miova sanatria, ny foko tia anao
Tsy misy hahavono
Mety hahasolo ny anaranao
Omeko tsy voafetra
Ho anao irery ny fitiavako
 O ! O ! O !
Aza dia miniana
Handositra ny tavako.

Indraindray mantsy, tsy tsaroanao
Makararirary fo ny teninao
Hany heriko, aleoko dia mangina
Tsy mamaly anao
Nohon' ny zavatra tsy nisy dia hinoako
Hahafaty ny fitia izay nokoloiko
Ka ny resaka sy tsaho ombieny ombieny
No handaozako anao.

NY RAILOVY