BETAFO

         Ao an-drefan'Antsirabe
         Misy tanana tsara faleha
         Iny avaran'Andraikiba
         Ny lalana dia madiva
         Ho tazana ireo voly
         Maintso mavana voakolikoly
         Na ny lemaka na ny havoana
         Tsara aok'izany 'zay manoloana
         Tsy hitahita akory dia indro 'reo tafo
         Io no tananan'ny BETAFO         

         Hafa indrindra i BETAFO
         Fa lazaiko anao marimarina
         Ao no misy ilay dobo
         Atao Tatamarina,
         Eo ambony antsinana
         Milahatra toy ny toko
         Tendrombohitra telo hatao: Ny avoko
         
         Antatafo ve, mba fantatrao
         Tsy aiza fa ao avaratry ny tanana
         Ao andrefana kely no misy
         No misy an' Andranomafana.
         

	Naly R.