DISO  LALANA


Diso lalana ka voajamba
Very haja fa nitoky rambaramba
Nahare ny " matokia " ka latsa-damba
Nilomano tamin-drano misy mamba

Zazavavy tsy nahay nitandrin-tena
Ka najary henatry ny firenena
Tovolahy androvo saina no nekena
Tonga vasoka 'lay endri-bolamena

Ry fitiavana mamitaka ô esory
'Zato voalinao mitondra sorisory
Raha ho nofy tsy maninona tsy akory
Fa ny foko no teneno mba hatory


Andrianary RATIANARIVO