EMBONA TAKARIVA

Mody ilay masoandro andrefan' iny
Vetsovetsom-poko lasana any
Lasana any ho any, ka manembonembona
Embona 'lay tiako lavitra any ;

Siokam-boron-kely takariva
Ritsokin' ny foko manambara
Manambara fa ny hariva
Tsy eo anilanao
Manjeny an' habakabaka
Toa very ;

Hikalo aho ho anao
Ho anao sy izao anio izao
Ny kaloko omaly sy anio
Kalon' ny fo tia anao

Mody ny masoandro
Ny eritreritro rehetra
No miombona aminao
Miara-mitoetra !

Ny Railovy
J. Randria - 1964