FIKASANA

Izao no voady izay hataoko tsy maintsy tanako
Ho anao izay nametrahako ny foko
Mba ho namako
Ho tia anao n'aiza n' aiza
Tsy misy fetra hoe  hatraiza
Hiombon-tseto sy fifaliana manomboka eto
Ho hadinoiko ny lalao sy fiainako efa lasa
Hery vaovao no entiko mikasa
Hanorina ny ankanin-tsika mba ho paradisa
Na ho aingana na mbola ho ela ny andro sisa.

Mivoha sahady ny vavahady hidirantsika izao
Hifampitantana hiara-dia izaho sy ianao
Tsy nofy intsony ilay fiadana
Fa ho zaraina samy hanana
Ny tiana tafaray amin'ny tia
Tsy hitako izay teny hilazana ny hafaliako
Tiako ianao eny tena tiako
Hahorintsika anio ny ankany mba ho paradisa
Na ho aingana na mbola ho ela ny andro sisa.

Ludger