GASIKARA


Raha vao tsinjo ny lanitra manga madio
Atsinanan' ilay Afrika,
Midoboka mantsy ny fo,
Tsy ho ela dia ho tody soa :
Ranomasina tony sangian' ny onja fotsy
Manjelatra sy mipariaka,
Manamorona ilay Nosy mena
'Lay Nosy malala tsy afaka an-tsaina
O ! Gasikara, tany tiana, manahoana e !
Ny hafaliana tojo anao, tsy omby tratra
Gasikara o !... Gasikara, tany tiana a !
Arahaba e ! ... Efa nihaona ka velon-kira
Samy faly, manahoana e !
Eh , lahy e ! ... eh ! roy e !


Ny volon-taninao, ny zavaboary koa
Kanto sy mevameva, mendrika sady soa
Ny mponina ao aminao
Mandroso tsotra izao !
Mitady mikely aina hisondrotam-pirenena


Ny Railovy
J. Randria - 1966