HARENA SAROBIDY

Izao no teninay aty am-piandohana
Aza atao tsirambina re ireo ankizy
Iza moa no andray valisoa
Rehefa tafita 'reo fara sy dimby.

Ary angaha, angaha ianao irery ihany
No hinjija ny vokatra any aoriana
Fa tsy soa ho antsika rehetra
Fa tsy lovam-pirenena
Ka samia re mihezaka hampisondrotra
Ireo solofo sy dimby
Harena sarobidy.

Inona re no atao?
Ny tenanao irery ve no andray adidy?
Tsy ho efanao tsy ho tanterakao
Ka andeha re hivondrona
Hiaraka hilanja ny adidy.

Ny entan-jaraina mora zaka
Ny mita be tsy mba lanin' ny mamba
Ka mitsangana ianao
Efao ny anjaranao
Ety no adidy tsy azo ialana
Ka manantena anao ny nosinao


Naly RAKOTOFIRINGA