HARY ELATRA

Hary elatra hianao ka andao
Hanaraka 'lay nofinidy ela sarobidy
Tsy iza izany f'ilay vady tiana
'Lay nofinofy kanjo tanteraka ankehitriny

Hary elatra hianao ka hisidina ambony
Hisankambina hifampitantana amin'ilay tiana
Paradisan'ny tany hoy ny saina
Marina izany kanefa koa dia ho lazaina

Maro no mitady hisakana
Mitady handrava ny fanambadiana
Maro ny fakam-panahy misarika
Hanatona an-drafahoriana
Eo indrindra no ilaina
Ny fandaozana an-drafahazazana
Saina matotra sy tony
No natolotra nyfony
Olon-droa efa niray mandrakizay

N'inona mitady hisakana
Mitady handrava ka hamaha ilay tady
Ampiasao ilay fitiavana
Sy ny fifampatokisan'ny mpivady
Tandremonao ny sotasota
Tezera nefa aza manota
Raha sendra resy izy ampio
Tsarovy fa io fitiavana io
Dia mandramaty ny voadinareo mivady.

Ludger