HOE TIA HOE TIA



Vao nomena toky dia sahy nivelatra
Kanjo voasoloky ka tapak'elatra
Nanantena arira ka dia potraka
Hoe tia hoe tia kinanjo nihoso-potaka

Hay voaisy fefy voafariparitra
Hay moa mora lefy tsy mba naharitra
Na izay tena kantony aza fitaka
Hoe tia (bis) kanefa dia sahy nisintaka

Tsy azo antoka na toa soa aza sandoka
Ny fatafatan-dinam-pitia tsy nisy ny tsy malia
Mora milofika vao voadona dia potika
Fa ny fitiavana tsy mba lo ianao

Ny fahazazana nofy tsy fantatra
Ny hatanorana kanto sy fatratra
Samy misy angola feno avona 
Hoe tia hoe tia fa aiza ireo izao ? Nanjavona

Ilay nijihina iny efa nanjoko izao
Ilay tarehy fahiny niketrona fa lao
Reo mpanindrahindra, mpisolelaka
Hoe tia hoe tia kanjo nahafoy fa reraka

lzany no ety, tsy mba misy ny ho doria
Ny bika soa sy laza aman-jo 
Hiseram-poana avokoa .
Fa hany tokana 
Tsy mba maro fa tokana
Mahay manoro izay tena soa ianao


Tonony sy Feony : Bessa
Mpihira : Solo