IARIVO

Maharavo, mahafamy
Raha tazan-davitra any ho any
Iarivo tanàna nahabe,

Fehezan-kitana
Iangaran' ny vintana
Maha-manina ;

Izaho sy ianao ... Isika izao
Hikorana sy hilalao,
Handrotsirotsy amin-kalakalo
'Reo tompon-tany sy mpandalo,
Ka hirahira vetsoina an-dakira
Hanako eran-tany,
Analamanganay fahiny
Iarivo ankehitriny ;

Vohitra soa... Mamy tokoa !
Lova tsy lo... Tsy manampaharoa !
La la la la ... Anay mandrakizay !


Ny Railovy
Tonony sy feony : J. Randria - Biry  - 1958