IARIVO  NIANDOHANA


Ry Iarivo ô, Iarivo niandohana
Mamiko efa nilokana
Akany nialana
Sy toeran-kiafarana

Veloma ô, veloma ry tanàna nolalaiko
Veloma fa niova, efa niova izao ny baiko
Ho roso sy hamindra
Ka aza tsiny indrindra

Hanaovana azafady
Fa tsy mahefa voady
Kanefa tsofy rano
Mba tsy hahita angano

Veloma ry Iarivo
Kanefa mba tsahivo
Fa ny tenako no lasana
Sy takona any ho any
Ny foko kosa hoy aho
Dia mipetraka eto ihany


Andrianary RATIANARIVO