IO  FITIAVANA  IO


Io fitiavana io 
Toa rano soa madio
Kanjo be tsingala
Fandriky ny adala

Be no fokafoka
Tonga dia nigoka
Nony tonga ao anaty
Poizi-mahafaty

Ny dobo-pitiavana hono Razandry
Dia rano madio kinanjo feno tsingala
Ny lalam-pitiavana hono Ralala
Dia mampitampody ny te hodimandry

Ka aleonay mitandrina
Izay iafarana
Sao tratry ny nenina
Vao mitaraina


Andrianary RATIANARIVO