IO FITIAVANA IO

Kitoatoa-bao sarotra iampitàna,
Deazaka tsy miato ka mampiananahana,
Toerana an-kilahila mila kinarinarina,
Fo mampifilafila sisihina ho fantarina,
Tandremo tandremo tandremo lahy o !
Io fitiavana io !... Sososa mahafanina !
Io fitiavana io !... Mevameva tazina,
Io fitiavana io !... Lozoka an-kodomirana,
Io fitiavana io !... Moramora fidirana ;

Ny fitiavana sora-jandiana
Ka mahaiza mifidy ny tiana,
Fa ny fo tafatambatra samy tia, tena tia
Dia ho doria ... ka tambatambazo

Kintana an'alin-kisa nofisina kilalao
Saina mamisavisa zavatra tsy natao,
Toerana an-kilahila mila kinarinarina
Tandremo tandremo tandremo lahy o !
Io fitiavana io !... Sososa mahafanina !
Io fitiavana io !... Mevameva tazina,
Io fitiavana io !... Lozoka an-kodomirana,
Io fitiavana io !... Moramora fidirana.

Ny Railovy
Tonony sy feony : Bruno R. (Biry) , 1990