IRAY MINITRA MONJA

Iray monja, tsy eo anilanao 
Toy ny zato taona
Ny alina ao am-ponja
Raha eo anilanao,
Manjary lohataona
Ny tembitembin-tsaina
Lavitra anao, tsy zakako lanjaina
Izany re ry aiko
Tsapako hatr'izao
Ka sahiko lazaina

Iny lanitr'iny omeko anao
Iny volana iny, hataonao kilalao
Tsy ho ekeko intsony hatr' izao
Ny ho velona tsy ho eo anilanao
Mamiko izao tontolo izao hianao

Mamiko, ka mamiko
Ny hiaraka aminao
Sahiko, ka sahiko
Ny hanao izay sitrakao
Eny fa ny tanindranao
No ekeko ho tanindrazako
Ka ny fasana ilevenanao
No ekeko ho fasan-drazana

Naly R.