ITY HIRAKO ITY

                 Moa ve fantatrao?
                 Na mba hazonao an-tsaina?
                 F'izao hira izao, natokako ho anao.
                 Inoako fa raha mihaino ianao dia hanaiky
                 Ka hizara amiko ny vetsovetso ato am-poko
         
                 Raha namorona ity hira ity aho dia fantaro
                 Fa ny endrikao, ny fitsikinao
                 No hitako raha toa nakipiko ny masoko
                 Tsy ho vitako iny raha tsy teo ianao
                 Eny, eny.. .
		 Tsy mbola fantatro izay hevitrao
                 Na ho tianao izao hira izao
                 Asa lahy na ho fifaliana
                     na ho fahoriana
                     na ho fijaliana
                     na ho fiafiana
                     na ho hakiviana
                     ny fanontaniana?
         
                 Tianao ve ny hirako ? raha namboraka ny faniriako
                 Ny foko misalasala, mibitsika aminao izay tiany
                 Aleony ihany lahy mihira.
                 Hihira aho, hihira aho
                 Satria ny angotingoty, tambitamby tiany hatao
                 Tsy hainy raha tsy an-kira
                 Henoy ange ? Ekenao ve ?
                 Fa ho anao ity hirako ity.
         
                 Dia ho very maina ve ?
                 Ny faniriako ? Ny vetsovetso ?
                 Asa anao ? asa anao ? Raha ho izany ?
                 Farany anio no hikaloko ity hirako ity.
                 Nefa ? Hinoako fa any aoriana
                 Na ho haingana, na ho ela
                 Mbola ho tadidinao
                 Ary aoka ho fantatrao
                 Fa hay efa nitsiry
                 Tao anatinao 'lay fitiavana
                 ITY HIRAKO ITY (2)
         
                 Ludger