MANANA FINOANA

Ianao ilay sasatra nitady
Tsy nahita fandresena
Ianao ilay trotraky ny ady
Nefa dia tsy mba nomena
Ianao tanora lasa saina
Na ny lahy na koa ny vavy
Fa tsisy an'iza ho antenaina
Maizin-kitroka ny ho avy
Ianao mahatsiaro ho farahidy
Manao 'zay zava-tsy finidy
Ianao iIay to-fo te-hitraotra
Nefa tsy afaka manoatra

Réf:
Mananà finoana
Ny tanjona banjino
Mananà finoana
Ny marina fihino
Na inon-kidona
Mijoroa hatrany
F'zay manam-pinoana
Mandresy ny hiafarany

Ianao ilay tsy mino intsony hoe
Mbola mihodina ny tany
ianao tsy mino fa ny ambony
Mety hifototra ho ambany
Ianao milaza ho tsy mahita
Izay mety hahavonjy antsika
Fa resa-be sy fikafika
Vavaka na politika
Ianao ilay mila hamoifo
Fa reraky ny manao soa
Fa toa ny ratsy hatrany hatrany
No misondrotra eto an-tany

Texte et Musique :  ROSSY