MANDOZA  FA  FANTARO


Mandoza ka fantaro
Ny hasarotam-piaro
Fitaratra mamitaka
Mandiso fijerena
Kofehy misaritaka
Maningotsingo-tena

Sitrana malaky ny mbola marary
F'andrao dia mitaky ny vonim-boasary
Notohazana foana
Hisentosentoana

Veloma, veloma ry manam-panahy
Veloma masina aza be ahiahy
Aoka ny lasa mba homba ny lasa
Fa amin'ny sisa ho tsara fikasa

Tenteno ny madilana
Areno ny mihilana
Ny marina aza afenina
Fa sao dia mampanenina


Andrianary RATIANARIVO