MAROVOAY

Vorona ho aiza ianareo no mikopaka avo fanidina
Mivilia mba ho hafarako kely
Raha ho any avaratra andrefana ihany
Fa any toerana misy akany nitaiza namindra
Ka tena tsy foiko fa mamiko indrindra
Ny foko dia tsy azoko afindra
Toerana maloka an-dohasaha
Tsy vitsy fa maro ireo te-hizaha
Maintso mavana ireo alam-bary
Ka sanatria izay faty mosary
Hafana mamaivay
Fa maha-tamana anay
Tianay ny tananay
Maminay ilay Maroavoay.