MISY ANAO  

Ny itiavako tantely? 
Tsy nohon'ny mamy azoko aminy, 
Fa mba misy ahatsiarovako 
Ny mamy indrindra taminao. 
Ny ibanjinako ny lanitra 
Tsy ny mangany mambabo 
Fa ny halatrala-doko 
Nalainy tamin'ny masonao.  

Orohako ny voninkazo 
Nefa tsy izy no tohofiko, 
Fa 'lay hanitrao tsaroako 
Rehefa injay mamihina ahiko.  
Ny tantely sy ny lanitra 
Ny voninkazo sy ny sisa, 
Tiako ihany fa hianao 
No notiaviko talohany. 

   .Tonony : Rado
   .Feony : Bessa
   .Mpihira : Salomon
   .Mpandrindra : Hary - Bessa - Hery - KirY