MITOTO  VARY  DIAVOLANA


Ny mangorak'olon-tsy tiana
Mitoto vary diavolana
Mihantsy fampahoriana
Mandrava tady efa miolana

Ny manin'olon-tsy sitraka
Sikidy mila voatsiary
Ary saritsarim-pamitaka
Salama toa te harary

Ny misento izay tsy lalaina
Mandraoka rano efa raraka
Mandena lamba efa maina
Manao ankason'ny mpiaraka

Ny fitia hanin-tsahaza
Raha anombinana mankanavy
Fanomezana an-tanan-jaza
Tsy omena zaza miangavy


Andrianary RATIANARIVO