NY ADIADINAY FAHINY

Ny adiadinay fahiny
Manjary halelovako azy
Mandainga izay tsy hanan-tsiny
Izany ve no anjary sazy?

Ny hijanona tsy hiaraka
Hifandao sy hisaraka
Hifonako ny lasa
Izay heviny no asa.

Ventsom-pitiavana ao anaty
Afo ao am-po tsy mety maty
No miantsoantso ka mihira
Miverena indray ka midira.

Ny hisarahan-toeran' ela
Mampitadidy ny andro lasa
Iza no tsy hifamela?
Hanoro tsara ny fikasa

Raha ho tapaka ny tady
Izay namatotra hatrizay
Tsy ekeko raha ny adiady
Ny hamoizana ahy mandrakizay

Fandalovana ny eto en-tany
Aoka re mba hifamela ihany
Vita ny hira ka indro aho manontany
Hody ve hono izany havako izany?

Ludger