NY FAMATARANANDRONTSIKA  

Ora fahafiry izao no mientana ny foko 
Ka manembona sy manina 
Ny maraina efa tonga, ny fitiavako misoko 
Hendratra aho ka fanimpanina 
Hono ho aho ry tsinjoko iny, sy nandalo moramora 
Amin'ny endrika sariaka 
Manontany anao ny foko, tsy mitovy re ny ora 
Oram-pamataranandrontsika  
Ora fahafiry izao no maloka 'ty andro 
Folapolaka ny heriny 
Dila teto ilay fitia, takona ny masoandro 
Ny foko maloka ny jeriny 
Hono ho aho r'ilay nandalo sy nantsoiko ho sombinaina 
Ny lasa ve no niova dika 
Manontany anao ny foko, tsy mitovy ve ny ora 
Oram-pamataranandrontsika  
Njao misandratra ny andro, mibaliaka sady mirana 
Eny an-dalana diaviko 
Mitady sandry ifandraisana itony tenako sahirana
 Ary olona tiaviko 
Hono ho'aho ry olon'iny izay nandalo moramora 
Tsara endrika sy bika 
Manontany anao ny foko, sao mitovy lahy ny ora 
Oram-pamataranandrontsika. 

Mpamorona : Rado / Ramaroson Wilson