NY  MITERA-JAZA  MADITRA


Ny mitera-jaza maditra
Dia indroa mitambaby kitra
Raha tsy lavom-pitiavana azy
Dia asiany mitondra sazy
Raha tenenina dia fanaony
Raha tenenina mora izy mantsy
Mahavatra manambana antsy

Ny mitera-jaza maditra
Maty ela fa tsy nitsitra
Tongo-baky no aharihary
Sady latsaka no maharary
Zana-baratra no navoaka
K'aminao izy no mipoaka
Ny manozona tsy mba fomba
Fa naleo ihany kibo momba


Andrianary RATIANARIVO