NY  TSORAK'AZON'OLON-TIANA


Ny tsorak'azon'olon-tiana
Tsara ihany raha ihafiana
Fa ny kapok'i Malala
Maha-hendry ilay adala

Rehefa tsy laitra tenenina
Dia kapoka no tsara ho azy
Izany no sisa ala-nenina
Fa hendry izy rehefa voasazy

Izay maditra, hono, tsy mba fanary
Mba faizina izy aloha fa tsy soloana
Raha tazo no aretin'ny marary
Kininina no hany fitsaboana


Andrianary RATIANARIVO