RAHA HO NOFY IHANY


Ireny kintana ireny, sy iny volana iny
Raha tambazanao halaiko mba ho firavaka
Dia mbola ho nofy ihany
Iny habakabaka iny, sy ireny rahona ireny
Raha finidinao ho akany mba ho fonenanao
Dia mbola ho nofinofy ihany

Raha ireny, no firavaka
Iny habakabaka iny no fonenana
Dia masoandro hamiratra eny
Ny foko tia anao.

Eny ny fitiavantsika, miara-dia am-panahy
Ka ny hira tsara indrindra no hokaloiko ao
Dia ny vetsom-poko tia anao
Raha ho nofy ihany, izao isika izao
Dia naleoko hatrany tsy nahalala anao
Saingy fitia te-hisambatra
Tiana sy tia tafatambatra
Ka ny zavatra hitan' ny maso
Dia mitory fitia ankamantatra
Ho anao, anilanao,
Ny vetsom-poko tia anao.


Ny Railovy
J. Randria , 1965