RAHA  LAVITRA  AN'IARIVO


Raha lavitra an'Iarivo
Ny ranomaso no marivo
Harivariva an-tanin'olona
Ka sentosento no mitolona
Manembonembona maraina
Izany saina
Ifanotofan'ahiahy
'Ty fanahy

Ry Iarivo tsy nahoana
Raha fony mbola nanoloana
Indrisy lasan-davitra aho izao
Izao vao malalako ianao
Lay tarehinao tsy hita
Eny ampita
Vita sary hosodoko
Ato am-poko

F'ialy Iarivo mitahiry zava-tiana
Mitahiry ireo zava-tiana firifiry
No takon'ahy sarak'azy
Fa sitrapo manjary sazy
Ho lavitr'azy toy izao


Andrianary RATIANARIVO