RAHA  NY  RANO  NANTSAKAINA


Raha ny rano nantsakaina mantsy hono
No nandratsaka ny aina sy namono
Tsy ho kivy ve ny saina
Diso zava-nantenaina

Zana-borona nompiana tao an-tratra
No manao fanahy iniana mba handratra
Tsy ho kivy ve ny saina
Diso zava-nantenaina

Olon-tokana mba tiana no nanjary
Ho mpivadi-panekena sy nanary
Tsy ho kivy ve ny saina
Diso zava-nantenaina


Andrianary RATIANARIVO