RAKOTO MATELO

Ho takona tsy ho tazana any ambadika any ho any ilay tananako
Ho saraka tsy ho hita anoloana ny tavako, 'reo havako
Hafa-tanan' olon-tiana, kopakopaka mosoara, no hilaozako
Morontsiraka mafana, tora-pasika mandoro, no ho vantaniko.

Any an-dranomasina any ambany lanitra mangina, no honenako
Alin-kitana amam-bolana sy rivotra madio, no malalako
Eny an-tokotanin-tsambo miaraka amin' ny gitara, no hirako
Ireo hira izay fikalo, ireo hirahirantsika, tena mamiko.

Veloma ry Iarivo, ry Iarivo mamin' ny fo
Veloma mandram-pihaona, tsy hanadino anao... Rakoto Matelo !
La ! la ! la ! la ! la ! la ! la ! la !


Raha sendra embonembona any ho any ka voatonona ny anarako
Dia tsarovy fa manjohy anareo any koa ny eritreritro
Ireo sarin' ny sakaiza sy ny sarinao ry tiana, an-doha fandrinako
K'isan' andro vao mifoha, na ny alina hatory, ho voajeriko.

Mety ho taona maro angamba, eny mbola tsy ho voafetra ny hiverenako
K' aza malahelo foana, f'antenaiko hisy fihaonana, ny anjarako
Amin' izay fotoana izany, hifampiantoraka isika, hifamihina
Ho eo imolotro indray, ireo teny mamintsika fahizay !

Veloma ry Iarivo, sns ...



Ny Railovy
J. Randria , 1963