RAMAVO


Avoko anie ka avoko
Avoko eny an-tampon-tanety
Ny voany voahoso-doko
Ny raviny voahetihety
Hanao fehiloha eny an-tsaha

Ramavo ! Ramavo !
Eny anie aho no handeha mba hilalao
Ramavo ! Ramavo !
Andeha hilalao

Hariva anie ka maraina
Hilanona eny Ambatomiantendro
Hitsinjo ilay fendrofendro
Himanin'iry lakan'aina
	Ramavo...

Havozo anie aho ka havozo
Havozo eny anivon'ny ala
Ny ody mamelon-jatovo
Hiravina ny ela-balala
Sy hitondra ho an'olo-malala
	Ramavo...


Naka RABEMANANTSOA