RIVOTRA  AN-KADILALANA


Rivotra an-kadilalana
Nadosirana vao manditsoka
Eritreritra mitambolona
Any am-po no miritsodritsoka
Raha erika fe mijohy
Leoko ihany fa tsy hotohy
Izay tampoka no tsy laitra
Mby an-koditra vao manaitra

Rivodrivotra an-kadilalana
Mampitsoaka ny te-hipetraka
Idifiana mahalankalana
Amindrana tsy ketraketraka
Fa na miondrika aza ny vero
Tsy ho folaka ka lefero
Ny valahana no asikino
Dia ny lamba no asampino


Andrianary RATIANARIVO