RY  AMPITSO


Ry ampitso izay mifono misitery
Tony ratra ve tsy hanakom-pery
Ry ampitso izay andrasako lazao
Inona avy re no zavatra entinao

Moa ny aizina manarona ny tany
Tsy hisava fa hikitroka hatrany
Moa ny andronm-pisentoako dia hitombo
Ka ny ziogako mafonja dia hihombo

Ry ampitso ô ny foko mitalaho
Ary koa ny ranomaso dia mitraho
Ry ampitso ô lazao izay fanafody
Hitsaboako ity foko te ho tody

Moa ny erikao sy ny rivo-doza mafy
Tsy mba hanam-piatoana fa hifafy
Moa ny volana sy kintana eny ambony
Dia hisitrika ka tsy hitranga intsony


Andrianary RATIANARIVO