SAMBATRA IANAO


Sambatra ianao fa nahay nanadino
'Reo andro efa lasa navalon'ny taona
Sambatra ianao fa tonga tsy nino
Ny dina 'zay nisy fa dia afa-tsaona

Sambatra ianao fa toa tsy nahatsiahy
'Reo dinam-pitia nifanaovantsika
Niserana ihany ny vetsom-panahy
'Rony hafanana dia toa nangatsiaka

Ny lalanareo hotsarotsaroana
Ny alokareo tsy hay hadinoina
Ny anay 'rony lasa toa vao aninkeheo
Andrasan-ko faty vao mainka tsaroana

Barijaona