VAHINY MAMATONALINA  

Raiso ny valihanao 
'Reo hiran'ny fahiny, ry poeta malahelo 
Tonga indray ity vahiny ny avelon'olon-tiana 
Te-hihaino anao mitendry hirahira mahaliana
Fohazy an-jambajamba any reo akon'ny fiainana 
Atodio amin'ny lasa, ny fanahy sy fisainana 
'Ndeha hanidina ary isika hamangy irony tany irony 
Nanirian'ny fitiavana, niantombohany namohy  
Aza miondrika amin-tsento, 
O! fohazy ny fahiny 
Amin'ny valihanao, fa mihaino ity vahiny 
Enga anie ho hita eto, ny lanitra efa nisantarana 
Ny tsiron'ny fitia, ny aloky ny fahasambarana  
Lohataonan'ny fitia, lanitry ny fanaperana 
Indro ny akanintsika, midoroboka mamelana 
Indreo ny vorom-paradisa mikalokalo hira manga 
'Lay fiainana, fitiavana, indro nofy no mitranga. 

    . Tonony : Rado
    . Feony : Naly Rakotofiringa
    . Mpandrindra : Hary - Bessa - Hery - Kiry