VELOMA  AMIN'IKAKY


Veloma amin'Ikaky
Veloma amin'Ineny
Ny hafatro izao mba ento malaky
Ampitao, ampitao mba ho reny
Ilay tokana hoe
Any ambadiky ny avo
Tsy mba mirana anie
Ary tsy mba miravo

Solon-tenako ho any
Ireny voloko ireny
Aza araraka an-tany
Atolory, atolory an'Ineny
	Ilay tokana hoe...

Raha sendra mandroatra
Ny alahelon'ny fony
Izaho, izaho tsy afa-manoatra
Io no asaivo, io no asaivo jereny
	Ilay tokana hoe...

Ny tanimboliko izay
Eo andrefan-tanàna
Anafarako indray
Io no asaivo tondrahany rano
	Ilay tokana hoe...


Andrianary RATIANARIVO