2001大事回顧

今年開始寫日記,記錄每日發生的大小事項. 開頭寫得2,3 行, 漸漸愈寫愈多, 等自己記得記得記得...如果有日我突然'仙遊', 請提醒我屋企人搵返我d 日記出黎印書喎!

上半年, 過住返工返學的日子, 放工返學放學返工, 重複又重複, 為既都係等出糧. 有時真係做到好厭倦, 但為左儲錢交學費去旅行, 日日頂硬上. 眼見公司人事個個星期轉新款都幾不安, 慶幸的係自己只係小職員, 學會做好自己便夠了. 多謝MARXETX的一眾出現過的同事們, 及教過我的上司們: HING ON, BENSON, ERIC...... etc.

返工返學的日子到左5月都正式終結了. 我就將辛苦搵返黎既錢儲起交學費, 而叫阿爸'贊助我'去我夢寐以求的日本. 就係Exam 之後一日, 就係6月1日, 我同我最好的朋友celia同家姐向住九洲出發! 雖然之前去過本洲, 但仍然感覺新鮮好玩. 短短7日就成為我2001年最開心最令我回味的日子,真係睇返d 相都想笑. 咁難忘可能係因為同好朋友一齊, 可能係使錢買野好開心,可能係之前返工好辛苦, 更可能係.... 之後艱苦的日子.

6月20 至 8月16日係另一段2001年永世難忘的日子. 要記得的真係太多太多,你睇我好風光,但外人係未必明白箇中滋味. 北上工作唔係難, 但自己面對生活(衣食住行)帶黎的問題, 先係問題. 2個半月之後, 真正可以返回溫暖既家, 更愛受住保護的感覺, 更怕比人置之不理的經歷.

如果你問我後悔嗎? 我一定答"不!", 因為我係唔會比自己後悔. 縱然得到既係難受, 我依然樂意接受忍受. 多謝 IRIS 同 JOYCE 陪我一齊捱 $1.6/2.2 的肥日子, PK, Helen, 謝文 等人對我地的照顧, 當然仲有唔少得出現過係我難忘回憶的你你你你你...

九月又開學, 終於可以做返個全職學生, 真正過所謂的'大學生活'.可能係之前返工返得太多, 我真係好享受返學放學100% pure full time student 的日子. 雖然係無多餘錢比我亂用, 雖然返學都係好難受好唔開心, 但仍然係要自己承受.

總結: 一定要珍惜你現在的一切, 幸福唔係必然, 唔好比自己後悔. 仲有... 我好愛支持過的屋企人同朋友同學! 我希望仲可以笑住過每一日啦.

Last updated: 1 FEB 2002