小小軼事 p(^.^)q

22/09/2002 07:48pm 中秋節快樂

今日同間房黎一次大執位及大執拾，
發現以前完全唔捨得丟既野而家竟然可以毫無留戀咁捨棄佢地，
就係咁我執左六大袋所謂的垃圾出黎。
有三樣野我應該丟但係我冇咁做，
第一樣野係小學四五六年級時，
一個叫何瑜玲的同學寫給我的信，
唔知點解我會將個批信留咁耐，
但係想當年我同佢由成績鬥到落頭髮有幾長，
簡稱"死對頭"，
直至現在我竟然會想她現在過得怎麼了，
生活愉不愉快，
我還清楚記得我常常把她的名子寫錯做"何偷玲"， 把她氣過半死...
如果她知道我仍好好地留著她寫給我的信，
不知道她會有什麼的表情呢?

第二樣野係我的會考時期的中文書，
可能對左三年的關係，(中四中五加repeat啦)
我就係冇辦法話丟就丟...
太多回憶太多失落同埋太多遺憾係入面，
所以中文書係我謹餘的會考課本，
我謹餘的會考回憶。

第三樣就係 dick lee 的 phy notes，
話哂我跟佢都已經有三年，
我可以咁講，如果唔係佢，
我會考 phy 可能已經過唔到關，
以前個個星期自己一個人去補習，
風雨不改，
三年的風風雨雨係哂份 notes 入面，
丟左我會好失落的。

就係咁。
我諗我都係一個唔捨得丟野既人，
間房先積存咁多垃圾，
但話唔定他朝有日，
我又會覺得冇所謂，
然後瀟瀟灑灑咁乜都丟哂佢。

今年的中秋都係咁，
點左一個燈籠同埋食左一個月餅，
不過同大伙一齊，
雖然落哂雨又打哂雷咁，
依然值得珍惜...

就咁已經可以好滿足。

19/09/2002 03:26am

前奏---

場景乃是中大之校巴上，有一靚女欲前往新亞書院...
中大校巴緩緩前進中，由於靚女不懂在那裡下車，
所以萬分緊張地東張西望，
希望能望見那雞那咁大隻字的新亞。
突然間有一男子跳了上車，坐在靚女身旁...
男子:師姐!
靚女心諗我又唔係讀中大做乜無情情叫人師姐...唔理...
男子:師姐!!
靚女睨了他一眼，沒有理會。
男子:師姐你唔認得我啦?
靚女:(突然驚覺)難不成你係譚記人?
男子:係呀你唔認得我啦?咁又係我咁摺...
靚女:哦...喂知唔知新亞點去呀?
男子:兜上去下一個站就係啦
靚女:哦唔該，拜拜...
男子下車，而靚女亦於下個站下了車...
靚女:咦點解個站冇人既?(實則只有對面馬路小貓三四隻)
靚女發現唔對路打電話求救
靚女:(以整條馬路都聽到的聲線)救命呀我蕩失路啦
朋友甲:咁妳快d搵個人問下妳在那裡?
靚女:哦...(之後飛奔過對面馬路)請問...
路人甲:哦你蕩失路?你而家在 uc 唔係新亞呀...
.......
再一次驚覺中大的面積是如此多麼駭人的大!!

主題---

G4中大大旦地...
我呢d半筒水就梗係去做下茶水抹汗，技術支援咁架啦...
不過都真係估唔到會咁好生意，
G4已經下最後通牒叫我下次之前背好哂d星座，
hee...我都知啦，
不過我做技術支援都做得好開心呀
最緊要係大家聚埋一齊的感覺...
不過我到現時為止我都唔能夠接受我的月亮星座竟然係xx座
(唔好講啦...我唔係好鍾意)
仲有上昇星座係雙魚座 o my god
之前我睇過自己分別係人馬同埋金牛架嘛
我信左成差唔多六年既野而家話比我聽唔係?
我唔打算接受現實。

甜品---

全日收入....總之有賺啦...hee
同埋賺到一晚開心
有賺有賺...

多謝大微(花名"女仔有眉)...
我現在已經好開心了
也多謝珮珮...
今日返到屋企都總算冇嘈交
亦謝謝 chris
的確係"開開心心又一day"
但係我唔會講你個句
應該講我作的呢句
"食粥食飯靠哂你"
哈哈哈哈哈哈....

16/09/2002 02:46am

近排都已經唔係成日返屋企，
但係每一次返到屋企都會有嘈交，
好唔開心，又話見得愈少才會珍惜得愈多，
呃人既，都唔知幾時先可以唔咁樣。
好累。

由中二開始我和菊都已經好鍾意夜晚晚談心，
時至今日都係咁，感覺完全冇變，
當我們在紅磡火車站那條昏黃的隧道內擁抱時，
那失去的時間好像回來了。
也不知何故，我發現當我有事煩心時，
妳也會有和我差不多的遭遇，
以致我們往往也能了解到大家的情況，
默契油然而生。
我不敢說我這個行蹤常常飄忽不定的人
是一個好的朋友，
但我一定會支持我的朋友的!!
所以菊，如果妳的情況叫機會渺茫，
我的情況就叫做絕路一條，明白嗎?
所以，妳的情況仍然值得恭喜....哈哈
--我這個冷笑話真係好正...快d笑!!

前數天打開了久違的日記簿，
駭然發現我上次寫日記的日期已經係上年的十一月，
但到現在先至明白點解我會寫個次的日記，
好可怕，如果我唔寫低，
我諗我已經忘記了當時的我，
我開始害怕"遺忘"這個詞語。

juney 妳想知的其實妳都會知架啦...hee
take care...

i love u all.

08/09/2002 11:49pm

click here =)

o'week 終於過去，在身心疲憊之餘我了解自己更多。
我自問帶組帶得真係唔好，
說得太多做得太多，而忽略了組仔組女的潛在能力。
自己的點子又唔係多又唔係好，
到了 o'week 中段我更覺得自己根本不是這裡的料，
想了很多，近至開始擔心下星期的課，
遠至憂慮下年的去向。
"還是走吧!"在我腦中盤旋不去。
但我沒有後悔來到這裡，
這裡的回憶實在太多太多，
縱使只有一年，得到的比這還多。

我很不喜歡被人牽著走的感覺，
可是當喜歡一個人的時候往往就會是這樣，
完全支配哂我所有的情緒，
"不珍惜的人有禍了!!"
當我發現自己咁樣我都知道大鑊，
唯一方法就係有得佢...
我好介意但冇辦法。

昨天哥回來了，買了很多東西給我，
我最喜歡的還是那些小狗，
他從不多話，卻知我如斯，
我覺得好幸福。

直至現在我還是很怕很怕吃晚飯時，
那突如其來的不安和波動。
沒來由的已經愈來愈唔想坐在飯桌旁。

"沒有你 還是愛你" to my love fox mulder

31/08/2002 10:43pm

『...故事的開始就在旺中帶靜的南山村，
那天我替 O'Week 買了 110 粒大白兔糖，
當我捧著糖行出了南山村街市時，
雨卻嘩啦嘩啦的下起來，
而我，卻只能呆呆的，
捧著那 110 粒大白兔糖站在一旁...』

今日搭巴士的時候，已經是日落黃昏了，
近日不知是秋夏交接還是什麼的，
天氣總有些古怪，
就像今天的天空，佈滿暗暗的粉紅色。

其實我覺得，跟大家一起做事真的很開心，
如果真的可以，我唔介意是否義務幫手，
是否真的有錢收，只要與大家一起便可以了。
我就是一個這麼怕寂寞的人。

『...後來故事的發展並不浪漫，
當我呆站一旁的時候，有一位很矮的婆婆，
撐著一把很大很大的黑色傘子走過來，
說道 " 後生女妳咁樣等，等到老都未走得呀! "
說罷便半拉著我，走過了橫風橫雨的街道。
到了學校我想的不是為什麼婆婆會這麼好心，
而是她那句說話，簡直腰心腰肺。
我究竟要自己等到幾時呢?...』

28/08/2002 01:25am

昨天唔記得講，恭喜 chrisjeankoochi 新居入伙!!=D

都係咁，昨天去到八鄉基地，清理完若數噸垃圾之後，
都大致上可以住人架啦，咁執好房仔之後，
其實就已經係咁睇 jean jean 的漫畫。
在 chris 間房無意中發現佢的 visual diary，
細看之下再次發現自己的廿一年簡直是白活，
有好多問題其實我要諗但係我就將佢置之不理，
到而家一發不可收拾的時候，我只是自顧自的欺騙與逃避，
我愈來愈討厭這樣的自己。

在任何的事情都未明朗之前，
往往就是胡思亂想的時候。

祝哥哥歐洲行順利!! =)

27/08/2002 01:26am in Chris Jean Koochi's new house

或許近來周遭發生的事太多，我開始搵唔到自己。

廿一年來我有三個轉捩點，
第一個係我中二的時候，我認識了一個人。
第二個係我升唔到中六，要留回原校 repeat。
第三個就係今次我去瑞士。
太在乎一件事情的後果就係，
你永遠唔會知道個後果會有幾大。
我亦永遠都唔會知道我的所謂"轉捩點"
是否真的如它一樣，我只知道，
我永遠唔會忘記我可以忘記既野。

ocamp 經已過去，與預期中一樣，
並無特別驚喜，在此我非常感激"唔比隊"的任何一人，
在此 camp 帶給我難忘回憶，
亦再次告知我呢個世界有幾大，
裝得落形形式式唔同的人。
很對不起的是我對大家有所隱瞞，
但這也是大會意思啦，
spy 也不好做的，
一齊比人玩的確唔係講笑架。>_____<

『寧願別公開秘密 直到末日』

17/08/2002 04:07am

縱使懷念當天青草的氣味
縱使拋棄昨日的自己

我回來了。

26/06/2002 01:14am

星期日的 G4 聚會，
真的很開心，很久沒有這種輕鬆的感覺了
吃著珮的熱氣零食很好吃(謝謝珮啦...)
仲有睇埋 lone gunmen 就真係非常極之正!!
雖然一路食一路話會爛面失聲云云
但係我地都食左好多哈哈哈哈哈...
至於菊所遇到的日本男，
我都深信，佢係日航的太子爺啦...
你知啦...我們看小說看多了
八八掛掛多了，自然幻想也多了嘛...
不過大家談談笑笑間，
發現自己仍是細路女的思想很可笑呢...
冇辦法啦，就讓我保持細路女之心多幾年吧...=)

謝謝 G4 的關心，我會好好照顧自己的了
請期待著我的沙沙石石和空氣的手信吧...=P
也謝謝 juney，peppy和得意
還有愛我的朋友們。

我愛大家!!=D

23/06/2002 12:29am

關於工作---

終於完成這個星期的工作了，
監考的工作真的話易唔易話難唔難...
雖然只係行行企企就賺到錢咁好做
但係你知啦我好怕返去架嘛...
有一日我監課室，發現林英廣的英文名竟然係 kirk
我都唔識讀...哈哈...都幾特別...
其餘時間在禮堂監，有兩日仲要連續四個鐘，
係咁行都幾累，自己又唔係好夠訓，
不過最大得著我諗係將我唔多正常的生活作息給糾正過來。
之前晚晚未到凌晨四點都訓唔著
呢幾日十一點幾就上床仔訓覺啦...
而且呢，行行企企既時候我就諗左好多野...
諗朋友，諗學校，諗拍野，諗將來
唔知點解我而家想做一個 freelance photographer
係突然間想做的，這也可能是受日劇"overtime"影響的吧。
(反町在劇中的工作是 photographer
而"overtime"是我最最喜歡的日劇啊)
大家還記得我中學時很喜歡說
"我呢d咁既浪子....."嗎?
哈哈哈...我就是不知道點解我對浪子呢樣野有好深的情意結
可能我嚮往做浪子啦...=P hee
我監考呢份工做得好開心。

關於學校---

我已經知道我入了 directing and writing 的 stream
但係自從幫阿 kit 拍野之後就覺得自己其實唔係太適合讀呢科
可能我冇拍野同埋direct的talent啦
總係覺得唔會係自己杯茶
咁昨天 koochi 話比我聽佢會轉 stream
我都唔知點解諗都唔諗同佢講"我又轉"
係潛意識已經想轉定係人轉我又轉呢?
不過我都好怕自己揀自己將來的路
可能我一直以來有好多野都唔係自己揀
所以我覺得好冇所謂，又可以任性地怨天尤人
呢次可以自己揀卻又三心兩意
photography and writing 我都鐘意
而且成績好多了...我諗我唔會後悔的
多謝 koochi 令我可以想了這麼多。
轉科的事仲搞緊，未知結果。

關於朋友---

近來有好多朋友處於失落唔開心的黑暗心情之中
旁觀的我只有企和看的份兒
安慰唔係冇，但係始終自己而家唔係成日可以見到大家
尤其是 G4 等人，見到大家的苦處
我也只可以說說加油
總覺得很無奈是因為自己比唔到乜野實際支持各位
有任何事也只是可以用一張嘴安慰安慰
完全可以用"得個講字"來形容。
如果我可以去那間酒店打那些蝦阿菊的人，
幫到天微買到藥來搽面面，
替嘉盈出口氣，
可以和 juney 的屋企人談談
到 tracy 那裡替她解憂
幫 connie 打完她那做不完的工作再同佢行街...
同 peppy 的 supervisor 講"你食多幾年x先好黎同我講野!"
........
那有多好。
不過到最後，還不是得一個講字?

關於歐遊---

仲有四日。
我而家開始有d擔心，
星期三就要走了，可是我還未開始準備行李等的東西
仲有好多濕濕碎碎的東西要搞
星期一又要返學校，
其實都走成差唔多兩個月
有d擔心其間要做d乜野
好似 grant and loan 啦
reg. 科咁...不過都應該 ok gei
到個邊都可以上網，
今天媽子話去送我機，其實我都想
不過我怕我會掛住屋企
同埋上機之前見到媽子我會喊
我都係一個易感傷的人嘛...
所以我都係叫媽子送我到巴士站就可以了。
以往去遠行之前都可以日日留在屋企等到飛個日
今次就因為太多野做所以日日都要向外跑...
我真係好想留在屋企架.../______\
未去已經掛住屋企了...
不過另一方面我好期待今次流浪之旅的
alice, koochi, jean, banana, eugene, zoe&danny
以及 kit 請多多指教了!!=)

關於自己---

發現原來只係得好少人知道我真正的性格
誰說白白痴痴的另一面，
不可以是不愛多話，不合群
只愛冷眼旁觀這個鬼地方的我?
你相信嗎?

13/06/2002 01:18am

這是我前兩天去澳門時難得影到的藍天。
澳門似台灣，這是我到那裡的第一個感覺，
我們一行十人，即是三分之一的 7s 班，
好似鴨仔團咁在澳門遊遊盪盪...
現在倒數十位這兩天所發生難忘的事:

第十位---
買了一份會比人笑的禮物比 jean jean...

第九位---
去見到"藍煙火"之外景場地，勁靚。

第八位---
見到澳門人之熱情好客，深明"請客"之道理。

第七位---
發現酒店四星級有三星級的質素，好掂。

第六位---
知道澳門有三個島，我們兩日之內都行過了。

第五位---
夜晚行好長的路去搵食，好舒服好舒服。
去到那間名叫"公雞"的葡國餐廳食dinner
超好食...裝飾又靚。
我們又有去食豬扒包葡撻燉蛋等等地道美食
超幸福。^o^

第四位---
去黑沙灣執左起碼一斤沙走...
重到行唔到....(我好蠢耶.../____\)

第三位---
可以同大家深夜 soulful talk
個感覺好親切好溫馨...
有好多時仲要係我白白癡癡咁...
wuwu....難得的係大家也會聽我說無聊話...*o*

第二位---
我只不過在第一日"請"太陽伯伯休息一下，
點知佢走左佬，剩返的時間比舊雲玩...
仲要係比舊黑雲話事，
落雨落到我把遮都爛了。>_____<

第一位---
登登登....
最難忘的都係入賭場了
最最記得阿基少一入到賭場就要去"便便"
出來便說:"我一入黎就開大，買大細就一定買大"
我們事先一起夾的本一百大元就放在賭桌的"大"上了
而ivan在開獎前就講"我估佢今場都係開11"
一開..."11開大丫"....
嘩超驚....哈哈哈哈哈....
我們亦有去玩角子老虎機
由於何鴻燊比左d零用阿基少
所以我就用個d零用狂玩角子老虎啦...
哈哈哈...(謝謝啦)
不過最搞笑既係我揹住袋沙入去
(黑沙灣那袋呢...)
入場搜袋的時候個 secure 問
"嘩咁重既有乜架生係度架?"
我答..."衫...衫啦...都冇乜野..."
嘩大佬邊夠膽話比佢聽我揹住成斤沙呀...
哈哈哈哈哈....

整個行程於笑與累中結束。
好開心...謝謝大家...=D

下星期要搵錢先了...
搵完錢又去了!!要加油!! ^O^

08/06/2002 11:18pm

拍 kit's video 在香港的工作總算告一個段落
現在剩下的工作就只有造去瑞士用的 props
ocamp 的工作和 CM 開學比 freshmen 的 folder而已
18日，究竟做唔做得哂呢?

回顧一下之前的工作
其實都幾開心
認識到林一峰更成為佢的 hard core fans
(先多謝一峰的 MD 啊!! =D)
大家聚在一起工作的時候
感覺真的很不同。
第一次做 production assistant
好多野都好好奇
不過最最難忘既係一個 site 由冇變做有
再由有變做冇的過程係好得意的。
上星期日出外景
係咁一路搭巴士搭電車搭地鐵
由九龍搭到去香港再由香港搭返去九龍
我諗如果唔係拍野都唔會咁做，
個日我地仲異常黑仔
audio 個條線有問題
買過一條之後上電車又遇到交通意外
架電車停哂係度咁...
不過我地照拍可也，又冇點影響到我地
都算 ok 啦....^o^
都唔好話，雖然我的位置只係打燈部
支燈都成幾百度下
日日照燈咁樣我都瘦左成幾磅
哈哈哈哈哈....我d friends 話我成日係度照燈
遲早變古天朱...哈哈哈哈哈...
大家日日拍野日日對住日日一齊食飯日日一齊笑
個感覺真係好好...謝謝各位...^o^

Kevin 已經過左去美國了
怎麼樣...?
要告訴我啊....!^___^"

珮11號去泰國要小心呀...
仲要玩得開心d...買大量底底返黎比我地呀!!

hee...

05/06/2002 01:20am

之前講左d令大家不明不白的話
我而家做d解說咁啦。
咁呢我點解唔鍾意自己呢?
就係因為自己有一些睇唔過眼的缺點
而又知道自己係無可避免地有的
當自己每一次有這個認知
就會非常頹喪
如果我見到別人會有我這些缺點
我就一定車巴佢
可想而知我幾咁唔鍾意自己。

上個星期行哥仔打電話黎
同佢都傾左好耐(係呀講緊你呀)
唔...都係咁啦...哈哈哈哈哈
無可否認你在我人生之中係一個很重要的人
我都好開心你在"唔暢快"的時候會"有我個樣在你眼前飄過"
事實上，我常常忐忑不安
我在朋友的心目中沒有一個是認為"我是最重要的"
每一個人都認為我有很多朋友
於是個個也說"你有這麼多朋友咁忙都搵唔到你啦"
也即是，當我拎起個電話又唔知打比邊個好
近來開始諗自己究竟係寂寞抑或孤獨
好似兩個都唔係又好似兩個都係
所以當你打電話黎個陣
個感覺非常窩心
我一直都覺得你係一個溫柔的人
就咁睇你打電話黎明明想吐苦水
但係都問左我近排點點點先
打死都話自己唔開心係副題唔係主題
哈哈哈哈哈....
我就諗，只要有一個人掛住我
我都會為你們而活得開心。

不過講開又講
我仲好記得以前有d乜野唔想比我知
行哥仔就會用"遲d講比你知啦"黎塘塞我
當我白痴咁
你幾時先講返哂比我知那些我當時唔可以知的事呢?
我們個陣時都幾任性
不過而家搵唔返了
你試下而家同你女朋友講"遲d講比你知啦"咁丫
一定死得好慘哈哈哈哈哈....

我打從心底掛住我所有的朋友。

29/05/2002 01:08am

機票今日出左了
26/6就飛啦...
流浪...今次都幾似...
多年來的夢想能夠實現
唔係話開心咁簡單。

近來發現自己幾乞人憎
之餘仲要係乞自己憎。

chris 要去英國了
祝一路順風玩得開心啦!! =D

<---想看再之前的軼事嗎? n_n