12月25日
聖誕老人行動沉晚失敗左, 所以今晚又繼續.
由中午到晚目標家中都冇人聽電話, 但依然走一趟, 仍然冇人.
帶住失望心情離去, 坐火車去旺角食飯, 但那時已10pm.
今晚依然一個人食飯, 本來食完飯有朋友叫我一齊去飲野....
但呢個時候邊到仲有心情, 因為都成11pm, 仲有1 hour就過xmas.
即意味聖誕老人行動失敗, 還是回家吧.
到左火車站, 心還未死, 堅持打多次電話, 今次有人聽喇.
就係咁份禮物終於送出, 但有點可惜既係....
我唔能夠以聖誕老人既神秘身份送出禮物.
不過能夠送出我已經好高興.
但送出後仍有少許風波...但最後經我多返解釋後都解決左.
呢兩晚好辛苦呢, 但當我諗返辛苦所換來對方喜悅的心情,...
我覺得辛苦d都係值得.
送出禮物既價值不是什麼一回事, 最重要係一份真心同誠意.
雖然佢話唔可以接受禮物既價值,
但我送禮物既誠意, 最終都可以令佢收下.
相信我透過禮物送出的那份真心同誠意, 佢已經接收到吧.
1999聖誕很特別, 人家開心, 我都好開心, 呢兩晚我永遠都會記得.
12月24日
今年聖誕平安夜真特別.
因為睇戲所以冇同屋企人食餐, 點知睇完戲各散東西.
拍拖既拍拖, 返屋企既返屋企, 咁我呢?
咪一個人行尖東, 一個人食飯囉. 去食日本野厚待下自己.
仲居然唔使等檯, 鬼咩, 坐bar檯喎.
平安夜搵鬼一條冷同你爭坐bar檯咩, 係都至少二人檯啦.
就係咁成晚張bar檯就我霸晒.
仲有, 原來做聖誕老人唔係咁易架.
派禮物如果timing唔o岩, 想俾surpise人,
但係人地屋企冇人, 咁就慘喇.
我就係咁樣在樓下等, 一路食風食到12點半, 最後都係無功而回.
12月18日
原來愛並不簡單......
愛是恆久忍耐、又有恩慈. 愛是不嫉妒. 愛是不自誇.
不張狂. 不作害羞的事. 不求自己的益處. 不輕易發怒.
不計算人的惡. 不喜歡不義. 只喜歡真理.
凡事包容. 凡事相信. 凡事盼望. 凡事忍耐.
愛是永不止息...
愛一個人可以去到咩地步?
一句 "我愛你" 的背後意義有幾多呢?
若果一個男人明白以上愛的含意, 那麼......
聽到這個男人對自己說 "我愛你" 的女人, 將是世上最幸福的人.
當然, 愛 並不只限於男女之間這麼膚淺吧!
12月16日
個老死由美國返左黎, 同佢行街.
前一次返黎俾我發現佢拍拖, 所以今次就審問佢.
問左好多佢地既野, 搞到我好似好八卦咁.
11月26日
又隔左成10幾日先寫diary.
一黎冇乜特別野發生, 二黎真係好忙.
都唔明點解d project做極都做唔完.
11月15日
沉晚發左個夢, 一個好好好好既夢.
一個可能永遠都唔會發生既夢.
不過夢中所得到的東西, 即使唔係發夢, 我都會努力爭取.
儘管機會很渺茫...
11月13日
第一次蒲bar, 其實我唔鍾意飲酒, 由其係啤酒
但係一晚已飲多過我 20幾年來所飲既份量
至慘既係, 廿幾年來, 第一次正正式式飲酒...
先發現自己係對酒精敏感, 搞到周身又紅又痕.
11月7日
Department有足球比賽, 輸左, 好唔開心.
唔開心唔係因為輸左, 係因為班人團隊精神好差.
有人缺席, 有人唔肯走動, 唔肯交波.
又或者係我要求高, 太執著吧.
11月6日
想不到又是11月6日, 跟去年一樣做了相同的事.
雖然意義不同, 但若果每年這天都可以做相同的事, 倒也不錯.
11月3日
今天是一個畢生難忘的一子, 話咁快已經過左一年.
10月30日
晚上去左一d以前曾經去過既地方, 勾起心中不少快樂回憶.
今日收到個email, 話我reg左個online casino.
仲話用我credit card deposit us$1000.
好左佢話我credit card公司唔approve, 唔係就慘囉.
10月29日
終於將呢個sem d present, project都完成得8 8 9 9.
可以有覺好訓喇, 不過dissertation要開始喇.
仲有一個year project, 所以都唔可以休息得幾多, 不過我會努力既!
10月24日
咁耐冇update diary, 一黎無乜特別野無生, 二黎好忙.
呢段時間接二連三咁project啦, present啦, 真係唔得閒死.
不過最值得一提就係份 dissertataion 終於有聲氣喇.
三個人去見集團副主席, 同佢傾關於出書既事, 不過佢幾好人.
10月6日
發現原來自己係一個很脆弱的人.
原來每個人都好需要人關心.
9月24日
中秋節, 一個人, 冇約人, 亦都冇人約.
仲要不停咁咳, 咳到肺都痛.
每逢佳節倍思親, 唔知呢一刻我所掛念既人又有冇掛念我呢?
咳.咳...........咳.咳..........
9月20日
我個supervisor同我講, 話我份dissertation有機會用黎出書.
真係諗都冇諗過.
9月19日
原來真係有朝思暮想呢回事.
當你掛住一個人, 就連發夢都會見到佢.
9月17日
很難得在ICQ同Janet傾計, 係傾好耐果種, 好耐都冇試過喇,
有一種跟老朋友聚舊既感覺.
9月16日
本來已經係成個月之前既事, 不過好重要, 一定要補返.
原本唔記得左, 但係同朋友講起佢男朋友, 又令我諗番起.
原來我個老死有女朋友, 仲要係已經有左兩年, 收收埋埋咁神秘.
不過邊度瞞到我丫, 一見佢隻手有條幸運繩就知咩事啦...
祝佢好運啦, "First and Only", 希望佢做得到啦.
9月15日 3號風球... #8... #10
今日有天地堂, 中間6個鐘好無聊.
去左旺角, 買左ZARD隻新album.
之後同人食飯, 過左一個開心既晚上.
9月12日
今日去左踢波, 不過又輸, 唉.
9月8日 呢排唔知做乜, 鬼死咁多人add我icq, 一日都成十幾廿個 不過至憎d人唔request authorization 用埋晒d cheat program, 唔使我authorize就add左我. 我見到呢d人一定鬧佢一鑊, 但係d人又好賤格, 會同你say sorry. 要講sorry就咪用d咁cheap既方法add 人啦. 不過sorry都冇用, 我一定會ignore呢類人. 9月1日 新學年又開始喇, 可能係大學生涯最後一年喇. 好多年冇好好努力讀書, 成日考天才. 今日我對自己講, 唔好咁懶, 睇下自己可以去到咩程度. 2000年係龍年呀, 即係我既年呀. 睇下呢條龍會唔會甦醒啦!
8月28日
坐左10幾個鐘頭飛機, 由美國返到香港, 很累.
原來香港真係一個好地方.
8月17日
往美國一行10多日既study tour, 由今日開始.
7月31日
呢兩日唔係好舒服, 唔係好精神.
星期一仲話返工, 希望快d好番.
7月21 - 23日
做書展由朝做到晚, 想做下其它野都冇時間.
7月19日 晴
今日收到電話, 通知我又有工返, 不過今次係做書展.
7月18日 晴
今日收到佢電話, 原來已經返左香港, 佢話俾個驚喜我喎.
7月17日 晴
本來諗住今日唔使update diary, 點知佢online左, 咁又同佢傾左陣.
原來佢都係同我一樣, 喜歡銀多過金, 著牛仔褲只係著Levi's.
7月16日 晴
終於做埋最後一日helper, 對腳可以休息下喇.
7月15日 晴
終於online見到佢喇, 同佢傾左一陣
佢仲打長途電話同我講左一陣, 真開心.
7月13日 晴
今日正式開工, 由朝早0830企到2200, 對腳真係好辛苦.
不過晚上有fashion show睇, 見到好多model, 先知咩係靚女.
7月12日 晴
今日返工briefing, 個agent同我講原來我地當中有幾個係唔請.
佢幾個仲買左衫返工, 而家原來冇工返, 真係慘.
最衰我做中間人, 乜都係我代表agent同d friend講.
所以溝通真係好重要, 今次個agent交帶唔清楚, 搞到我好尷尬.
7月11日 晴
終於收到Minna reply. 都算意料之外. 仲諗住佢嬲唔會reply我添.
仲話可能會遲d返香港, 咁兩隻Hello Kitty咪要住住我屋企先囉?!
7月10日 晴
沉晚發夢同一個人傾長途電話
原來成日諗住一個人, 真係會發夢見到佢架.
7月9日 雨
部電腦又short多一鑊, 又要由頭install過所有野.
7月8日 雨
部電腦short左, 要我由頭install過所有野, 麻鬼煩.
之後scan埋d新相上homepage.
7月7日 陰
早上去左運輸署, 跟住同friend食飯, 再去游水同開會.
7月6日 晴
"佢" 今日又冇出現. 唔知以後仲見唔見到佢呢.
7月5日 晴
Minna去左澳洲, 所以幫佢去換麥當勞Hello Kitty
一個人食兩個餐, 加上冇幾耐之前先食過飯, 個肚好滯.
一路行就一路有種嘔的感覺, 不過應承左人就一定要做啦
咁之前又激嬲左人, 希望可以tum番佢啦.
7月4日 陰/雨
去左踢波, 都幾開心,
因為有波入, 不過就踢得都幾火爆.
仲難得full team齊人, 終於可以影幅全家福喇.
收到Minna icq msg, 原來佢去到澳洲都仲玩icq.
7月3日 晴
Minna走左, 冇人陪我傾電話, 有d悶添.
晚上online, 冇著拖鞋, 發覺腳指公有d野
一望, 原來係一隻蟑螂, 嚇得我丫. 跟住一腳踢走佢
咁大個人第一次俾蟑螂爬我個身, 諗起都起雞皮.
最後都搞掂左佢..呵呵呵呵~~
7月2日 晴
晚上又同"佢"傾電話, 不過因小事嗌交收埸.
雖然收線一刻好嬲, 不過之後個心又好唔舒服.
好在佢打番電話俾我, 幾辛苦先tum番佢開心.
但係佢今日去澳洲, 有排先再見到佢.
7月1日 晴
好開心新識左個朋友仔Minna. 同佢好好傾.
仲同佢傾左成8個鐘頭電話, 都好耐冇試過喇.
6月28日 晴
今日晨早去左美國領事館簽VISA.
我估都成幾年未試過6點就起身喇.
6月26日 晴
今日同d friend去踢波, 好開心
不過我踩波車, 跌到我鬼死咁痛. 訓覺都要就住訓
仲有, 朱屎同波地d阿伯嘈, 好少見佢咁好火.
6月25日 晴
呢個星期真係 lucky week, 先係有人約, 今日又有人搵我開工.
做 fashion exhibition helper, 唔知有冇靚衫(靚人)睇呢
6月23日 晴
好難得今日又有人約, 已經係一星期內第三次,
仲有人打電話俾我, 話介紹女仔我識添.. ^_^
又去左HMV買classical喇, 呢排上左癮
Vivaldi隻 The Four Seasons 好正呀.
6月22日 晴/雨
連續兩日落雨, 阻礙晒我個游水計劃.
今日study tour開會, 分配左要做事前research.
有d野做下, 等我唔使咁無聊
6月19日 晴
冇寫日記咁耐, 就知呢幾日冇野發生過啦.
真係好悶, 今日心情仲唔係好好.
d情緒又黎攪攪震, 最後因為"某些事"又發現自己一d野.
原來我佔有慾好強.
6月11日 晴
今晚同老友食飯, 本來都幾多人, 但係好多都放左飛機.
好難得有機會咁樣坐低食飯.
本來好靜既我都覺得自己講左好多野.
不過食完飯個肚唔舒服, 否則可以坐同佢地坐低, 飲番柸.
6月7日 風
今日打風, 破壞左我個游水計劃.
於是又係留番係屋企.
6月1日 晴
今日去左個冇人碼頭釣魚, 可惜得兩條魚上釣.
到夜晚唔知乜事, 幾個netfriend都話唔開心. 個個都要我開解.
原來又係感情問題... 雖然我冇乜經驗, 不過希望幫到佢地.
5月31日 晴
今日冇野做, 又繼續寫homepage, 又加多左個friend section.
寫homepage寫下寫下, 開始寫上癮添.
5月30日 晴
今日我阿媽個朋友個女 (細個間中都有一齊玩)結婚.
佢大我一年, 嘩, 咁又話結婚喇, 真係快.
我就女朋友都冇.
不過而家心情好左d, 冇再成日諗住舊女友,
係咪recover得好快呢?
但係間中都仲有掛住佢架, ^_^ , 話晒都有感情嘛.
5月29日 陰
唔知做乜, 沉晚3 點先訓,
但係晨早8點就起左身, 仲鬼打咁精神.
中午去左踢波... 記錄 1:2
雖然輸左, 但係打得都算唔錯,
我地入果一球都係因為我傳左個靚波, 都算係咁啦!
5月28日 雨
人生的第一次 , 因為愛情而傷心,我追唔返舊女友呀.
原來冇左一個心愛既人係咁傷心架.
但係愛唔代表擁有(安慰自己?).
唔知佢有冇睇到呢一頁呢, 雖然我冇左佢,
不過希望佢同個男仔會快快樂樂啦!
寫到呢到, 眼濕濕添, 真係眼淺...
5月27日 雨
終於考完試喇 , 可以開始update homepage喇!
