下面果d全部都係我d friend黎架, 都識左好耐喇. 你可能會發現, 點解冇乜女仔o既? 冇法啦, 鬼叫我以前讀和尚學校咩? 大學入面我果group又冇乜女仔喎. 所以都好少女性朋友囉. 如果有好介紹, 記得通知我喎. ^_^ 我唔知有冇add漏friend呢? 如果有, 記得話我知.
下面果d全部都係我d friend黎架, 都識左好耐喇.
你可能會發現, 點解冇乜女仔o既?
冇法啦, 鬼叫我以前讀和尚學校咩?
大學入面我果group又冇乜女仔喎. 所以都好少女性朋友囉.
如果有好介紹, 記得通知我喎. ^_^
我唔知有冇add漏friend呢? 如果有, 記得話我知.
Fu-Joe
又叫污漕(你讀一次佢英文名就知點解)
佢係我老死, 識左佢成十八年,
不過而家在美國讀完書做緊野, 都唔知幾時番.
佢好鬼瘦, 成個排骨精咁.
不過我地有好多共同興趣, 以前成日一齊去旺角打機.
唔聲唔聲, 瞞左我2年先知佢有女朋友. 唉, 一個二個都....
Lincoln Fok又叫 "mook"咀亨, 點解? 我都唔知, 佢又唔係好mook咀丫?! 由中學到依家識左7年. 佢考左個first hon, 讀緊MPhil. 好在仲有佢陪我讀書. 我地班人有冇波踢, 都靠佢去book埸喇. (星期五早d起身去book場啦..) 佢係超級打機(pc game)迷, 仲巔過我, 會出錢sponsor你去買game 好心你唔好掛住打機啦, 關心下你身邊既人. 豬屎又係喇沙仔, 識左9年. 都可以叫做一個programmer, 仲自己同朋友開公司. 同呢個人出街記得帶ID Card, 記得有次同佢出街佢俾差佬逗左4次. 佢都算係我足球埸上既好拍擋 除此之外, 佢最關心我既, 就係我有冇識到女仔喇. Janet曾幾何時係我o既女朋友仔黎架. 我地而家都仲係朋友黎架. 心目中o既Janet呢, 好可愛啦, 斯文啦, 文靜啦, 聰明又勤力喎. 佢最鍾意貓貓, 宜家努力讀緊 PhD. 佢咁Janet(精叻), 一定掂啦, 我支持你喎. 皮蛋 Peter識左7年, 係我地球隊最後一關, 龍門 可惜佢亦有 "空龍" 稱號, 點解? 心照啦, 俾人凹死係佢強項 最初覺得佢傻傻地, 不過識落又幾隨和. 另外我代表所有隊友, 多謝你晨早5點鐘去book埸. 你快d 返黎啦, 沒有你的日子, 我們真的很難過. 肥禤識左7年, 以前好鬼肥, 而家好好多咯 佢係我地球隊既坦克車, 撞低唔少人架 做野之後搵到女朋友, 咁以後班friend入面既單身客又少一個喇. Simon我識左佢7年喇, 佢個鼻好大架. 皮蛋同院長叫佢做螞蟻先生, 唔知佢知唔知呢? 我覺得佢個人都幾好架喎. 院長 佳佳中三識佢, 都成10年喇. 佢個腦入面至多鹹濕主意, 所以咪叫院長囉, 油麻地戲院院長呀. 佢識女仔有十大規條, 仲好"了能", 唔係要有波有囉, 總之好奇怪 謝志中二就識佢, 不過中間有幾年唔同班 佢係我地球隊清道夫, 硬漢一名 斷腳冇所謂, 清波最緊要係佢宗旨. 不過溝女先係佢強項, 一拖幾. 不過俾我就一個已經夠喇. 我地班人成日話 "(湯)豬? 搵謝志啦"
Wing屎話明係Wings, 當然係球隊o既Wing啦. 不過佢變速就差d囉, d假腳又真係好鬼假喎. 而家過左去澳洲, 都唔知仲會唔會返黎咯. 阿成佢唔係第一日出社會工作果個阿成呀. 我識左佢都有成10年喇. 有時佢個樣真係好鬼有誠意架, 好似好有信心咁. 不過都o岩o既, 話晒佢將來做律師, 俾到client誠意同信心都好重要. 阿富 Patrick我第一日識佢係form 1 上PE堂. 當時佢在足球埸上都幾好扭, 俾稱為扭扭怪. 估唔到咁多年後會變成隊友, 係我地既中埸主腦. 交多D 靚波俾我丫, 唔該! 另外佢一見到靚女就口水流, 成日問人"不如返大陸咯?". Ricky幾年前因組球隊而識. 被稱為 "黎明", 但我唔知點解. 球場上既得意技 "後掙", 不過9成交唔到位. Reg哥 可騰Reg哥, 不過係 refugee個reg 成日踢波唔俾錢. 又唔剃鬚. 同佢一齊, 硬係覺得好似有烏蠅o係身邊飛黎飛去 (講笑遮) 不過除左容貌之外, 佢個人都冇乜野. 最新外號 "烏蠅人" Tomy Pang 佢都幾排骨下架, 同埋佢把口都幾寸下 所以我地班人一有機會都會寸番佢喎. 如果把口唔係咁衰, 都係一個幾好玩既人 康寧呢條友本來都唔想add入我個friend list, 皆因罪狀甚多. 勉強放佢入最後果個, 當反面教材, 如果佢睇到, 希望佢反思下啦. 重色輕友, sorry, 應該係重色棄友. 講一套做一套, 沉日重口口聲聲話約出黎食飯, 第二日粒聲唔出已經返左澳洲 我地班人部份已經唔妥你喇, 你睇到就好好諗下啦. 你唔想做friend冇問題, 不過要搵好朋友唔係咁易架!
