8月17, 18日 由香港出發, 第一次踏足新機場. 地方都幾大, 印象都唔錯. Photos: 往侯機室途中
8月17, 18日
由香港出發, 第一次踏足新機場. 地方都幾大, 印象都唔錯.
Photos: 往侯機室途中
8月19日 到達美國之後第一日, 先到某建築用料工場參觀. 下午再到 Universal Studio. 入到去冇幾耐, 好快就失散晒, 大家幾個幾個各自行動. 一開始坐左架巴士參觀片場, 以為係無聊玩意. 但原來都幾得意, 有好多 臨場特技不過最值得一提, 就係 Jurassic Park 喇, 玩法好似坐木船, 沿河道走果種. 但係最後一下, 由差唔多6,7層樓向下沖真係要命. 之後d水花(應該係 浪)照頭淋. 全身濕晒, 我個頭搽左 gel 都溶埋. Photos: Entrance, With 蜘蛛俠8月20日 成班人著住formal dressing, 參觀美國housing dept. 中午就去左"小日本", 同埋o係露天茶座食lunch 黃昏時候去左 Holleywood, 晚上就食左餐唔好食既中國菜. 至正我叫炒芥蘭, 佢居然俾西蘭花我地. 8月21日 自由活動日, 我同一個friend, 決定唔跟大隊去 Disney, 兩個人自已周圍去搵 factory outlet. 所謂人生路不熟, 兩個人膽粗粗坐車周圍去, 不過好好玩. 可惜一開始就撞板, miss左架巴士, 所以改變行程. 由於時間有限, 我地以香港人既 "迅速", 好快就攻陷左LosAngeles最大型既 Shopping Mall, 收穫不俗 8月22日 呢一日坐車由 LosAngeles 去 SanFrancisco, 成6,7粒鐘, 去到都差唔多天黑. 不過中途好多野睇, 有好大既果園, 有由成百上千個風車組成既風力發電場. 8月23日 早上先到一間建築公司參觀, 個老闆好好客, 請晒我地三十幾人墨西哥餐. 臨走仲每人送左一頂安全帽, 真係闊綽. 之後去金門橋, 影左一幅全家福跟住去漁人碼頭晚上就去SanFrancisco巿中心既唐人街, 食左餐唔好食既中國菜. 8月24日 參觀 UC Berkely, 個 campus 好大, 好正 8月25日 參觀 Stanford Uni. 相比UC Berkeley, Stanford個campus較田園式, building與building距離較遠, 冇咁集中. PROGRAM FINISH! 8月26, 27日 最後一日, 自由活動. 亦即瘋狂購物日. 一日8小時, 走遍三藩巿shopping area. 都唔明d女仔點解咁鍾意買化妝品, 一見到時下新興牌子H2O就發晒狂. 同埋我發現女仔買野好多野諗, 左睇右睇, 試黎試去. 男仔就爽快得多, 見岩就買. 呢日大出血喇, 使左幾百蚊美金... d card數有排找. 買完野, 返酒店收拾行李, 坐車去機場, 返香港喇!! "Hong Kong... I miss u!!"
