Tempus est iocundum
     
Tempus est iocundum, o virgines!
modo congaudete, vos iuvenes!
O! o! totus floreo! 
  
        Iam amore virginali totus ardeo,
        novus, novus amor est, quo pereo! 
  
Cantat philomena sic dulciter,
et modulans auditur; intus caleo.
O! o! totus floreo! 
  
        Iam amore... 
  
Flos est puellarum, quam diligo,
et rosa rosarum, quam sepe video.
O! o! totus floreo! 
 
        Iam amore...
  
Mea me confortat promissio,
mea me deportat negatio.
O! o! totus floreo! 
 
        Iam amore...
Mea mecum ludit virginitas,
mea me detrudit simplicitas.
O! o! totus floreo! 
  
        Iam amore...
  
Sile, philomena, pro tempore!
surge cantilena de pectore!
O! o! totus floreo! 
  
        Iam amore...
  
Tempore brumali vir patiens,
animo vernali lasciviens.
O! o! totus floreo! 
  
        Iam amore...
  
Veni, domicella, cum gaudio!
veni, veni, pulchra! iam pereo!
O! o! totus floreo! 


 lukas.sosnovec@seznam.cz

Zpět - písně index

Homepage