Vinum bonum et suave
Vinum bonum et suave
bonis bonum, pravis prave,
cunctis dulcis sapor, ave,
mundana letitia!

Ave, felix creatura,
quam produxit vitis pura;
omnis mensa fit secura
in tua presentia.

Ave, color vini clari,
ave, sapor sine pari,
tua nos inebriari
digneris potentia.

Ave, placens in colore,
ave, fragrans in odore,
ave, sapidum in ore,
dulcis linguae vinculum!

Felix venter, quem intrabis,
felix lingua, quem rigabis,
felix os, quod tu lavabis,
et beata labia!

Supplicamus: hic abunda,
per te mensa fit fecunda,
et nos cum voce iucunda
deducamus gaudia!

btw kdybyste někdo znal původní melodii této písně, dejte mi prosím vědět.