ICQ

Kio estas ICQ?

ICQ estas literkombino, kiu, kiam oni prononcas ĝin angle, signifas "mi serĉas vin". ICQ estas komputila programo, kiu ebligas retparoli kun amikoj el la tuta mondo. Ĝi estas tre populara, kaj multegaj homoj uzas ĝin. ICQ estas senpaga, kaj vi povas elŝuti la programon al via komputilo sur jena paĝo:

http://www.icq.com/download/

Kiel funkcias ĉi tiu paĝo?

Se vi havas ICQ-on, ankaŭ vi povas aperi sur ĉi tiu paĝo en la listo de ICQ-uzantoj. Pri tio vi povas legi pli sube. En la listo de ICQ-uzantoj vi povas vidi, kiu estas enrete, kaj kiu ne. Se vi mem havas ICQ-on, vi tuj povas ekparoli kun homoj, kiuj aperas enrete, klakante sur "mesaĝu". Klakante sur "aldonu" vi aldonas uzanton al via propra ICQ-listo.

Kiel mi aldoniĝas al la listo?

Aldoniĝo al la listo estas tre simpla: plenigu la ĉi-suban demandaron, kaj la administranto de Gejpaĝoj post kelkaj tagoj aldonos vin al la listo. Ĉi-suban demandaron vi ankaŭ povas uzi, se vi volas esti forstrekita de la listo.