Os Maravidís
 |
A parella que retratou o meu
avó nesta talla ten a súa historia...
Cando o meu avó era pequeno, un dos divertimentos que tiñan na súa aldea (en realidade é algo que pasaba en todas) era facer transnadas á xente do pobo.. a xente que peor reaccionaba ante as falcatruadas era, lóxicamente, a preferida. E na aldea do meu avó, as víctimas preferidas eran Os Maravidis. |
Os Maravidís, era un matrimonio que viviu na aldea de Carballo do Hospital (Quiroga).Eran xente de mal carácter, e os nenos xogaban a achegarse por alí, berrar '¡Maravidís! ¡Maravidís!' e marchar correndo.. toda unha aventura digna dos mais valentes. E os que non eran quen de berrarlles, sempre podían pasar por alí e escoitar as pelexas que sempre había dentro da casa.. pois era este un matrimonio deses que se uniron para discutir eternamente, e que, debido ás penurias da época tiñan que vivir nunha casa que somentes tiña unha habitación onde estaba a lareira, a cama...
