Chisti dui estremi folti:
Lu 'idetti è la mè' molti,
Lu no videtti è murì.
Tutti e dui violenti
So l'estremi chi descriu
Molgu si t'hagghju presenti,
Si se' assenti no viu:
Di molti è lu disaffiu
Pal parà o pal fugghj'.
Candu no t'icu, molgu
D'amorosa simpatia;
E candu t'icu tolgu
A punimmi in agunia.
Eu sì chi ti pudia
In bon'ora cunniscì.
L'occhj toi a lu mè' cori
So' penetranti pugnali;
Senz'iddi stocu a tutt'ori
Cu' una pena multali.
Ca' di chisti dui mali
Agghju a vulè' elegghj'?
Pal finì, ghjacchì
la molti
Incontru in videtti o no,
Voddhu murì middi 'olti
Basta a videtti però:
Chi li to' beddhi occhj so'
Più d'amà, che
di timì.
Don Baignu Pes
18th century gallurese
