C'èst lès gros qui magnèt lès p'tits
( air : le Roi Dagobert )
I )
En one grande êwe, l'aute djoû,
quèque saqwè d'fwêrt drale dj'a vèyou :

On pèhon , adlé l'bwêrd,
sèyîve du haper on rodje viêr.
Mais on gros govion
dåra so l'pèhon,
pwis on vî pèheû
lès hapa tos deûx.

So l'môde tot èst ainsi :
C'èst lès gros qui magnèt lès p'tits.

II )
En on noû batimint,
so l'maîsse, l'architèke féve dè train

Alors lu maîsse maçon
åu ovrîs duna dès råhons ;
lès ovrîs djurît
sos lès manovrîs
qu'brèyît come dès vês
so l'pwèrteûs d'oûhès

So l'môde tot èst ainsi :
C'èst lès gros qui magnès lès p'tits.

III )
Mais voici bèn aute-tchwè :
on ame barbotéve so l'cafè.

Su fame vèyant çoula
so s'fèye bon-z-èt fwèrt su måvra.
L'djône fèye, tot tchoûlant,
pèta c'cou d'l'èfant,
pwis lu p'tit valèt
sètcha l'cawe dè tchèt.

So l'môde tot èst ainsi :
C'èst lès gros qui magnèt lès p'tits.

ASTERE DENIS.

	Lu prumî pas
	Home Page
	Envoyer un mail à ANDRE LE PATISSIER

This page is hosted by Get your own Free Homepage