Lu prumî pas

I s'cuhoutrihéve avå l't'chambe
tchôkant lès tchèyîres duvant lu.
On bê djou, v'la qu'i lîve one djambe !
Mais par mâleûr i-èest sins nolu
Astipé conte lu grande pareûy
wice quèi s'ratint du sès deûx mains,
i veût d'vant lu l'bè grand fåteûy
tot è m é l't'chambe : diu qué moumint !
Quu va-t-i fer ? I tûse...iµa sègne...
Va-t-i risquer sès prumîs pas ?...
I lî sôle quu l'fåteûy fait sène.
Démons, s'i-aveût l'deûgt du s'papa !
Tot åtoû d'lu, ré po s'ratére...
èt sès oûys d'èfant sparwetureûs,
dju n'sé vormint par qué mistéte,
d'abôrd tot grands duv'nèt vigreûs.
I lîve one djambe...I sint qu'èle trôle...
èle halcote è l'air on moumint...
Lu sègne èl prind...i sowe...i strôle...
èt l'djambe rutome èt i n'sét c'mint.
C'est l'prumî pas : risquerè-t-i l'aute ?
Sès p'tits brèsses chèrvèt d'balancî.
I bambêye, rèscole, pwis s'ènode ;
i-avance, i-arive...on l'veût hansî
Puis, tot glorieûs p'one prumî fêye,
i r'såye, ruc'mince, fîr du s'haut faît.
Djoyeûs, su t'nant reûd come one bêye
i passe, rapasse : djans, c'est parfait !
Pus rin n'l'arète : c'est one arôde.
I rêy mågré qu'i trôle todis ;
i va , i vint, i toûne, s'ènôde,
sins doter d'rin. I-est hape lu fis !
Tot est da séne : tchèyîres, passètes ;
i n'a pus sègne du s'fer dè må.

Et puis, asteûre, i c'nohe lu r'cète
Pos aller nâheter d'vins l's årmås.

MARTIN LEJEUNE

	C'èst lès gros qui magnèt les p'tits
	Lu bordon du m'grand-pére
	Home Page
	Envoyer un mail à ANDRE LE PATISSIER

This page is hosted by Get your own Free Homepage