你是第人來到本頁!!!
我在小學的日子
 | 我一 d都唔享往小學o既生活!!! 我覺得小學果陣唔開心多過開心... |
| | 我記得我一年級果陣，有一次數學測驗，果個測 驗我已經好高分架喇，有99分架！但係我唔甘心，所 以我偷偷改左佢. 點知比先生知道左，攪到要見家長. 個下場咪就係又比阿媽鬧. 唉~~~ |
| | 我細個果陣好懶惰架... 阿媽唔迫我，我係唔會主動拿起本書黎讀. 由於有阿媽o既『迫力』，所以小學一、二年級果陣， 成績總算理想. 默書、測驗、考試一定有 80 分以上. 我記得我細個為左逃避讀書， 有幾次先生話要默書， 測驗，叫我地寫o係手冊度，但係我唔寫. 細個果陣 o既想法就係：唔寫咁我阿媽咪唔知囉! 唉~~~ 阿媽 又點會唔知丫. 默完書番黎，成績唔好，咁佢就知架啦! 成績唔好自然就卑佢打. 唉~~~ |
| | 我細個果陣，跟本就唔鍾意讀書，唔鍾意上堂. 上堂永遠做唔晒d堂課. 做唔晒，d先生會要我番屋企 做晒佢，第二日交. |
| | 記得有一次，上作文堂，作唔晒篇文. 咁個先生 都係叫我番屋企作晒佢，第二日交番. 但係一向唔鍾 意做功課o既我，梗係無做啦，無做咪無得交囉. 我又 唔話卑阿媽知，因為怕卑佢鬧. 我將份作文收左 落書包低. 幾日都無交. 個先生忍無可忍，終於黎睇我 個書包. 佢發現左我無做，佢就立刻打電話搵我阿媽 話要見家長. 果晚仲要罰留堂，做晒先可以走. |
| | 唉~~~ 結果番到屋企，阿媽唔凈止打/鬧，仲唔 卑食飯，要我做完功課先可以食. 唉~~~ 我果陣時讀 下晝班架，成六點先放學，留完堂番到屋企已經九 點幾喇! 加上我做功課o既效率，果晚成兩點先食得 野. 唉~~~ |
| | 三年級開始，我阿媽無管得我咁嚴喇! 咁仲死! 由於我太懶喇，唔肯做功課. 攪到記缺點，原因係 『屢次欠交功課』 後果咪又係咁，不過今次勁d， 唔單止卑阿媽打，仲卑佢趕出門口，唔卑番屋企 |
| | 讀左六年小學喎...邊止咁小野丫...梗係仲有啦... 不過請你耐心等候呀!!! |
| <- BACK | MORE -> |
