Ikaw
|
Ikaw |
| Buhay
ko noon ay walang sigla Hanggang isang araw ay natagpuan kita Mula noon buhay ko'y naging masaya At bawat oras sa aki'y naging mahalaga Mula nang ika'y akin nang makasama Paligid ko'y kulay rosas at sadyang kay ganda Buhay ko noon na walang direksiyon Dahil sa iyo, ngayo'y alam ko na saan paroroon Ipinakita mo sa akin ang kagandahan ng buhay At sa tamang landas ako'y iyong inakay Hindi mo ako iniwan at hindi pinabayaan Sa madilim kong nadaraanan ako'y iyong inilawan Tinanglawan mo ang aking isipang nagdidilim Puso kong may lumbay ay iyong inaliw Sarado kong diwa ay iyong binuksan Mura kong katauhan ay iyong inalagaan Ngayo'y malakas na ang aking mga pakpak Natuto na akong lumipad ng mataas Marunong na akong tumayo sa sarili kong paa Ngunit ika'y di lumisan, ako'y inalalayan pa Ngayon panahon na upang ika'y aking pagsilbihan At buong puso kitang pinasasalamatan Magpakailanpaman puso'y sa iyo ibibigay Buhay ko man sa iyo rin aking iaalay Lahat ng ito'y ikaw ang nagkaloob Ngayon sa iyo, muli kong inihahandog Babalik ako sa iyo pagkat alam ko na ang daan Tungo sa iyong kaharian, na siyang akin ring tahanan... |
| Home | Table of Contents | Previous | Next |