|
|
 |
|
|
|
| Exemple de Hainteny| Leonard FOX | Rabearivelo | Ranaivo | Paulhan | Ramiaramanana | Bibliographie |
Lazalazao an-dRatsarahoby
Ilay zanakandriana maditra irY
Fa izahay hono lasana nianavaratra
Hioty sahondra mba hijejoany
Izahay hono nihodina niakandrefana
Hisambo-balala ho tsakitsakiny
Avy eo hono hiodina hiantsinanana
Hiazo ny moron'ny pangalana
Hizaha voankazo ho tsindritsakafony
Izahay hono hitodika hianantsimo
Hitango vatosoa mba hiravahany
Fa any hono maro safira manga
Hitety an'ireo vodilanitra efatra aho
Fa be sitra-po anie ilay kalakely
Lazalazao anie Ratsarahoby
Hafatrafaro sao manadino
Ny aty hono hoe zanaky ny efa nangotraka
Ka tsy manahy an'izay mangorovitsika
Ny aty hono hoe dontom-pitiavana
Ka lian-kiharitra ireo ditraditrany
Ny aty hono hoe zana-drafaharetana
Ka vonona hiandry azy lalandava
Tarito hody re Ratsarahoby
Fa ho tsenaiko eny ankodimirana
Tandremo re ny vava Ratsarahoby
Fa karavasy rambonomby ny aty
Raha zanaboromanga tsara loko ianareo
Zahay zanaborondreo manga feo
Raha vonindraozy eny anaty vazy ianareo
Izahay koa tatamo eny amoromparihy
Ka aza dia mifanaraby re ry ianona
Fa na varatra ilatsaka aza ianareo
Izahay vatolampy azo andihizana
Fa raha tsipindy no vitanareo
Ny anay daroka tsy azo ivalozana
Sao mba miavona loatra ianao Ratsarahoby
Milanja orona, mamofon-danitra
Fa angaha hitsikitsika sa vorondolo
No miavontsahala, mitokatokana
Fa tanimena mitorajofo aza akia
Mbola anaovanao zipo fotsy
Mba jereo ihany ‘retsy izay andalovana
Sao indriko potraka ka ho fihomehezana
Fa rehefa tratrako any ampandriana anie indriko
Mbola hiantsoantso ny anarako ihany !
A., Oct 1999